Paul Boulongne (de son vrai nom) est né en 1881 à Misery près de Péronne, d'un père instituteur à Lanchères. De 1900 à 1909, il effectue des études de Médecine à l'hôpital Saint Joseph à Paris, puis devient médecin à Gai-Lussac jusqu'en 1914. Il en profite pour écrire des nouvelles sous le pseudonyme de Paul Vimereu. Pseudonyme sous lequel il signe une dizaine de romans. Il meurt en 1962.

Hommage à Paul Vimereu

In honorant l'écol'laïque
O fêtons deux anniversaires
O glorifions el fiu d'ein clerc
Qui l'voloait bell',no république !
Paul Boulongne, ch'étoait sin vrai nom,
Mais Paul Vimereu ch'a té sin r'nom!

Si gramint connoétt'nt é Lanchères.
I fu tout d'suit' qué j'vos rassure,
Ch'n'est point à caus'ed'chés bassures
Si, ichi,chatchun d'nous est fier,
Ch'est qu'à deux pôs d'nos terr's à ieu
Dré chonq ans y ô v'nu...Paul Vimereu !

Sin père y étoait ma rister :
I gn'o resté équ' qui qu's énnées,
Mais comme garant ed'postérité
A l'ô mertchè pou s'vie intière :
Aussi, imbibé d'no Vimeu,
I n' povoait s'app'ler qu' ... Paul Vimereu !

Avec tchot Jul's, pi ses berbis
Quand al brilloait, es bell'étoèle,
Au perc, d'sus ein-n'éteule ed soèle,
Pour li, ch'étoait el Paradis !
Pour seur, i gn'avoait rien d'pu bieu
Equ'ches Foérains-n's, pour Paul Vimereu !!

Comm'el tchoeur ed chaqu'serrurier
Battoait alors in libertaire,
D'ein viu brouteux, prêt à poécher,
Il a foait ein-n'têt'légindaire,
Vu qu'Lanchères ch'est l'poéyis d'Misteux
Rindu célèb' par Paul Vimereu !!

Si ches huttiers i rev'té coère
Ed serçaill's faisant des ttchulbutes,
S'i braconn'té coer'tout comme'Chutt
Cacheux invétérés d'Lanchères, 
I sin-t'é èqu'Chutt chu Hutteux,
Ch'est l'cri d'Amour ... ed Paul Vimereu !!!

Poème écrit par "Ch'Baron d'ches Bassures" alias Jules Dufrêne à l'occasion du centenaire de la naissance de Paul Vimereu.